Mapa comercial de Santiago de Compostela
O Mapa Comercial de Santiago é una ferramenta web que permite consultar a oferta comercial do Concello.
Recadar información sobre un establecemento é tan sinxelo como introducir o seu nome na aplicación. Do mesmo xeito, podes buscar información relativa a oferta existente nunha rúa ou nun barrio concreto da cidade ou sobre un sector comercial determinado.
Unha vez realizada a procura, o Mapa Comercial indica a posición exacta dos establecementos sobre un plano e ofrece información de interese relativa aos mesmos: galería fotográfica, datos de contacto, características … e outra información complementaria totalmente actualizada.
O Mapa Comercial é unha ferramenta en constante evolución, así que se es propietario dun establecemento e desexas figurar no mapa só tes que cubrir e enviar o seguinte formulario e dende a Concellaría de Comercio encargámonos do resto.